Question

Қызғалдақ гүлі туралы өлең керек еді

Answer 1

Ответ:

Қызғалдақтар.

(Авторы Марфуға Айтқожина)

Басқа күнге ұқсамайды бұл күнім,

Бұл не ғажап қаптап кеткен бұлбұл үн.

Көктем қыздың тарамдалып төсінен,

Бұралады сұлу толқын мың бұрым.

Дала бейне жаралғандай жалыннан,

Алаулаған қызғалдаққа малынған.

Ақша бұлттар ақ шымылдық сияқты,

Тау қария жасыл мақпал жамылған.

Күмбірлеген күйге толып маңайым,

Өткен күнге өкінішпен қараймын.

Ғажапсың ғой туған жердің көктемі,

Самалыңа қолаң шашты тараймын.

Кетті нөсер дала шаңын тазалап,

Отыр міне ойлар тағы мазалап.

Жалынға орап жатқандай бір жер төсін,

Қырда қызыл қызғалдақтар ғажап-ақ.

Тыңдауға әсте құмар жаным қыр әнін,

Көңілімді күй сазына бұрадым.

Төнсе-дағы қанша бәле төбеңнен,

Кетпеспін мен қиып сені бір адым.

Қызғалдақ.

(Авторы жұмағали Саин)

Қызғалдақ күнге қарады

Жымың етті,

Құдіретті

Күн күлді,

Кім білді,

Бұл сырды!

Қызғалдақ жерде,

Күн көкте.

Жайды алақан

Не сұрады?

Неге сонша жалынды?

Дүние мәз,

Па, шіркін, жаз.

Күн жігіттей

Көзбен атты

Қызғалдақты.

Сұлу, сұлу.

Ойнап-күлу

Күн құмары...

Ғашық жары,

Мыңдаған...

Кездер қысқан,

Ымдаған...

— Қызғалдаққа не керек?

Көктем келді:

Әдемі бел,

Жаңбыр суы,

Самалды жел,

Енді аспанда

Маужыраған күн керек.